مالی تعاون، اہداء کتب، نادر الوجود کتابوں کی فوٹو کاپی یا سی ڈیز ارسال کر کے، قلمی و دیگر قدیمی کتابوں کے بارے میں اطلاع دے کر کہ فلاں کتاب فلاں صاحب یا فلاں کتابخانہ میں ہے ، جن کے پاس قلمی و نادر الوجود کتابیں ہیں وہ مرکز کے نمائندگان کو فوٹو لینے کی اجازت دیں
ضائع و خراب ہوتے نادر و نایاب قلمی نسخہ جات کی حفاظت و ، دوبارہ شائع کروا کر اس علمی میراث کو ضائع ہونے سے بچانے کے پیشِ نظر خدا کی بابرکت ذات پر بھروسہ کرتے ہوئے۔ مرکز احیاءآثار برصغیر (مآب) وجود میں آیا ہے۔
مرکز احیاء آثار برصغیر (مآب) کے مسئول جمع آوری نادر و نایاب کتب کے لئے مختلف ممالک کے دورہ جات کرتے ہیں اور کتابوں کو ان کی بیش بہا قیمت ادا کر کے حاصل کیا جاتا ہے اور مرکز کے کتابخانہ میں محفوظ کر لیا جاتا ہے۔
آپ ہم کو اپنے اردگرد شیعہ تاریخی موقوفات و مقامات کے متعلق بھی تمام اہم اور مستند معلومات فراہم کر کے بھی تعاون کر سکتے ہیں، مثلاً شیعہ مساجد، امام بارگاہیں، شیعہ مدارس، شیعہ کتاب خانے، شیعہ سے متعلق دیگر مقامات۔
برصغیر کے علماء و اہم شخصیات کی خستہ حال قبور کو از سرِ نو تعمیر کروانا ان کے مزارات کی مرمت وغیرہ بھی مرکز احیاء آثار برصغیر(مآب) کے اہداف ومقاصد میں ہے تا کہ اپنے اِن محسنان ملت کے علمی میراث کے ساتھ ان کی قبور کو بھی محفوظ رکھا جا سکے
جہاں مآب کے دیگر اہداف و مقاصد ہیں وہاں برصغیر کے سادات اکرام و دیگر خاندانوں کے حالات بھی رقم کرنا شامل ہے۔ جن احباب کے پاس خاندانوں کے متعلق کوئی ٹھوس معلومات ہوں وہ ہماری مآب کی ویب سائٹ پر آن لائن فارم فل کر کے یا مآب پروفارمہ کے ذریعہ بھیج سکتے ہیں۔